Humadit ovttas – gulahallat mánáin

Áddejupmi ja oassádallan nuppi ektui leat positiivvalaš gaskavuođaid vuođđoeavttut. Oktavuohta máná ja váhnemiid gaskkas nannejuvvo go nákcejit ustitlaččat humadit ovttas, ja guldalit maid nubbi muitala.

Go mánná ja váhnemat ožžot buori gulahallama, de lea álkit váhnemiidda čuovvut mielde maid mánná dahká, mo mánás lea dilli, ja váhnemat ja mánná dovdet ahte sis lea buoret oktavuohta.

Dilihis árgabeaivvis sáhttet ollu váhnemat rahčat oažžut buori gulahallama mánáideasetguin. Go hárjehallá dan golbma máhtolašvuođa mat leat namuhuvvon dás vuollelis, de láhčá dili buoret gulahallamii váhnemiid ja máná gaskkas:

  • Máhttit áicat ja dovdat máná dovdduid. Geahččal dovdat ja earuhit máná dovdduid, ovdamearkka dihte suhtu, váivvi ja ilu. Go fuomáša ja čilge máná dovdduid, de šaddet mánná ja váhnemat eambbo dihtomielalaččat dasa mii dáhpáhuvvá.
  • Máhttit earuhit iežas dovdduid máná dovdduin. Geahččal earuhit mat leat du dovddut ja mat leat máná dovddut. Dán bokte sáhtát eambbo dihtomielalaččat doallat iežat dovdduid olggobealde ja fuomášišgoahtit maid mánná vásiha. Váhnemiid dovddut, erenoamážit jus lea streassa, sáhttet hui álkit muosehuhttit gulahallama mánáin.
  • Máhttit guldalit maid mánná muitala. Guldaleapmi addá dehálaš dieđuid máná birra: Mas mu mánná berošta? Mo mánná vásiha iežas ja su birrasa? Máhttit guldalit ja ipmirdit lea dehálaš go galgá gulahallat mánáin.

Ollu váhnemat, geain leat hástaleaddji mánát, sáhttet vásihit ahte sis leat váttisvuođat gulahallat iežaset mánáiguin. PMTO:s ožžot váhnemat veahki buoridit gulahallama sin ja máná gaskkas.



Dette nettstedet bruker informasjonskapsler. Les mer om informasjonskapsler her. Ikke vis denne meldingen igjen.