Čuolbmačoavdin

Eanáš bearrašat vásihit muhtimin váttisvuođaid ja riidduid. Soabatmeahttunvuođat ja riiddut sáhttet leat sihke ollesolbmuid gaskka, mánáid ja vánhemiid gaskka ja oappážiid ja vieljažiid gaskka. Dát lea lunddolaš oassi bearašeallimis. Go mii riidduiguin rahčat áiggiid badjel, sáhttá dovdot veadjemeahttumin čovdosiid gávdnat. Dát vásihuvvo lossadin ja noađđin olles bearrašii.

Čuolbmačoavdinprinsihpaid sáhttibehtet geavahit sihke soabatmeahttunvuođaid ja eará váttisvuođaid čoavdimii. Daiguin sáhttá plánet mielamiel doaimmaid, čoavdit beaivválaš smávva hástalusaid ja maiddái čoavdit váttisvuođaid. Prinsihpaid sáhttá maid geavahit bearaščoahkkimiin, áddet nubbi nuppi buorebut ja ovttas gávdnat ođđa čovdosiid. Mánná maid oažžu dovddu ahte lea mielde váikkuheame dehálaš osiid iežas eallimis.

Buori čuolbmačoavdima dovddomearkkat:

  • Čilge áigumuša: Leage positiiva, leage konkrehta, jurddaš ovddosguvlui
  • Hutkka čovdosiid: Buot evttohusat leat buorit evttohusat, leago hutkái, leage rabas
  • Árvvoštala čovdosiid: Digaštala buriid ja heajos beliid. Bálkes heajos evttohusaid. Bija oktii buriid čovdosiid.
  • Ráhkat plána: Vállje ovtta buori čovdosa. Leage realisttalaš
  • Čále šiehtadusa: Leage konkrehta. Geahččalatta. Atte bálkkašumi go lihkostuvvabehtet.

Rávvagat mo eastadit váttis dilálašvuođaid:

  • Plánet. Go árgabeaivi lea einnostahtti, de mánát álkit heivehit iežaset. Dát unnida dávjá sávakeahtes láhttema ja riidduid. Dasa lassin váikkuha dat eanet positiiva oktavuhtii váhnemiid ja máná gaskkas.
  • Čoavdde riidduid árrat. Jus unna riiddožiid ja soabatmeahttunvuođaid čoavdá árrat, de eastada ahte soabatmeahttunvuođat ja riiddut sturrot.
  • Šiehtadit. Go váhnen guovttos ja mánná dahket šiehtadusaid ja buohkaid oaivilat váldojit vuhtii, de eastada riidduid.

Máhtolašvuohta čoavdit riidduid, sihke váhnen guoktás ja mánás, veahkeha buohkaid oaidnit iešguđetlágan vugiid mo čoavdit váttis dilálašvuođaid. Bearrašiin, gos leat mánát main leat láhttenváttisvuođat, leat dávjá stuorát ja lohkkašuvvan riiddut go eará bearrašiin. Jus don vásihat dán, de ávžžuhit du ohcat fágalaš veahki. PMTO:s ohppet váhnemat bearrašii heivehuvvon struktuvrralaš vugiid mo čoavdit hástalusaid.


Finn nærmeste tilbud

Her kan du finne det PMTO-tilbudet som er nærmest deg ved å skrive inn ditt postnummer, poststed eller fylke.


Dette nettstedet bruker informasjonskapsler. Les mer om informasjonskapsler her. Ikke vis denne meldingen igjen.