Vásáhusat PMTO:in

«Lea dáhpáhuvvan hirbmat ollu dan rájes go mannagohten PMTO:i. Doppe lea muhtin munnje váhnemii leamašan veahkkin. Mus lei hui lossa dilli, ledje stuora hástalusat ja mun in nagodan illudit iežan mánáin... Lea váttis bidjat sániid dasa man ollu PMTO lea mearkkašan munnje váhnemin.»

«Dál lea jaska. Mun in dárbbaš vuorjat ja huikit. Mun lean áices iežan sátnegeavaheapmái. Min ruoktu lea šaddan báiki gos lea buorre leat. Lea harmoniija.»

«Moai leimme ohcame reaiddu mainna nagodetne dustet biebmománá geainna ille birgiime. Moai letne vásihan ahte leat ollu unnon váttis dilálašvuođat nugo digaštallamat, huikin, uvssaid šloaŋkkuheapmi ja ahte son ii daga dan maid moai su sihte dahkat.»

«Son atná dál munno eambbo árvvus go moai letne áddehahtti eange álggat váttis digaštallamiid. Moai gal maiddái eambbo árvvusatne su olmmožin, ja letne šaddan čeahpibut gullat maid son dadjá.»

«Árrat bessen gullat ahte galggan leat konsekveanta. Ii oktage muitalan munnje maid dat mearkkašii... Mun geahččalin iešguđetlágan strategiijaid, mii mielddisbuvttii ii-einnostahtti dili ruovttus. Loahpas šadden hui garas ja geahččalit garra vuogi mielde bargat. Váttisvuođat lassánedje ja šattai heajos ja čearggus miellaláhki ruovttus. PMTO lea leamašan hirbmat ávkkálaš.»

«Mun lean oahppan ollu iežan birra ja sáhtán dadjat ahte PMTO-láhčin lea ovddidan mu iežan liikká ollu go dat lea veahkehan mu šaddat áddehahtti eadnin iežan bártnážiidda.»

 

«Munno mielas lea leamašan addevaš ja ávkkálaš oahppat PMTO. Dál munnos lea oktasaš vuođđu reageret seamma ládje ja addit sutnje seamma reakšuvnna ja ráŋggáštusa dahje rámi go moai geavahetne PMTO.»

«Ovdal sáhttet dovdat ahte čoavji botnjagođii go gullen su uvssa olggobealde, boahtime sisa. Dál sáhtán duođai dadjat ahte illudan go gulan su olleme ruoktot skuvllas.»

«Lea šaddan álkit árgabeaivi. In šat álgge digaštallagoahtit ja šatta ieš eahpeáššálažžan, muhto lean šaddan mihá eambbo oadjebassan alccen ja dieđán mot galggan dustet iešguđet lágan dilálašvuođaid. PMTO lea addán munnje buoret iešluohttámuša mu váhnenrollas, ja lea dagahan dan ahte mu mánná lea jaskkodan ja šaddan eambbo duhtavaš ja movttet.»

«PMTO terapevtta lei maiddái fárus ovttasbargočoahkkimiin skuvllain, maid moai vásiheimme hui positiivvalažžan.»

«PMTO lea šaddan oassin mu eallimis. Mun geavahan beaivválaččat dan maid lean oahppan, ja moai letne joavdan heajos dilis buori dillái. Moai letne goappašagat eambbo positiivvalaččat ja movttegat ja vaikko lean mun váhnemin gii mearridan, de mun gulan maiddái maid mu mánná dadjá ja ovttasbargu lea šaddan dehálaš.»

 

«Váhnemin lea leamašan hui ávkkálaš ja seammás suohtas ja fiinnis leat PMTO čoahkkimiin, ja ávžžuhussan lea lávdadit dieđuid PMTO birra nu ahte vel eanet váhnemat sáhttet oažžut veahki.»

 



We uses cookies on this website. By using this site, you agree that we may store and access cookies on your device. Read more about cookies here. Do not show this message again.