Maid NUBU bargá?

Guovddážis leat doaimmat maiguin mánát ja nuorat duođalaš láhttenváttisvuođaiguin, sin bearrašat ja skuvllat ja mánáidgárddit ožžot veahki. Veahkki galgá leat dutkanvuđot, relevánta, individuálalaččat heivehuvvon ja galgá bohtosiid addit dálá máhttodási ektui. 

Dát mielddisbuktá earret eará:

• Dutkan mánáid ja nuoraid láhttenváttisvuođaid viidáneami ja ovddideami birra
• Dutkan ođđa metodaid ovddideami ja árvvoštallama oktavuođas
• Ođđa metodaid atnui váldit
• Fágaolbmuid/terapevttaid oahpaheapmi
• Viidáset ovddideapmi dálá metodain
• Riikkaidgaskasaš ovttasbargu

Makkár metodaiguin NUBU bargá?

Atferdssenteret bargá metodaiguin maiguin áigumuš lea eastadit dahje dikšut mánáin ja nuorain láhttenváttisvuođaid:

• Parent Management Training – Oregon  (PMTO): Dikšunfálaldat váhnemiidda geain leat mánát duođalaš láhttenváttisvuođaiguin, agis 3 jagis gitta 12 jahkái.
• Tidlig innsats for barn i risiko (Árra veahkki mánás eastadit láhttenváttisvuođaid) (TIBIR): Prográmma láhttenváttisvuođaid eastadeapmái ja dikšumii mánáide agis 3 jagis 12 jahkái.
• Multisystemisk terapi (Máŋgga systemáhtalaš terapiija) (MST): Bearaš- ja lagasbirasvuđot dikšun nuoraide agis 12–18 jahkái geain leat duođalaš láhttenváttisvuođat.
• Funksjonell familieterapi (Doaibmi bearašterapiija) (FFT): Dikšunmetoda bearrašiidda gos nuorat agis 11–18 jahkái čájehit duođalaš láhttenváttisvuođaid.
• Multidimensional Treatment Foster Care (MTFC): Biebmoruovttu vuđot dikšunmetoda nuoraide geain leat duođalaš láhttenváttisvuođat agis 12 jagis – 17 jahkái.
• Positiv atferd, støttende læringsmiljø og samhandling (Positiiva láhtten, oahppanbiras doarjjan ja ovttasdoaibman) (PALS): Skuvlafátmmasteaddji modealla mainna nanne mánáid skuvlafágalaš ja sosiála gelbbolašvuođa, eastada ja hálddaša láhttenváttisvuođaid skuvllas.

Gos gávnnan eambbo dieđuid NUBU birra?

Loga Atferdssenteret ruovttusiidduin: www.nubu.no