Go negatiiva láhtten šaddá minsttarin

Váhnemat sáhttet vásihit ollu hástalusaid mánáidbajásgeassimis. Ii leat álohii álki diehtit mot galgá meannudit mánáiguin geat eai álohii jeagat dan maid váhnemat sihtet dahkat, geat nággejit, vuosttildit ja geat soitet maiddái fástit hupmat, nihttit, huškut, čiekčat dahje gáskit. Váhnemat sáhttet mánáidbajásgeassimis vásihit ollu hástalusaid. Buot mánát sáhttet iešguđetge oktavuođain láhttet ná, muhto jus láhtten šaddá minsttarin mii bistá guhkit áigge ja váhnemat dovdet ahte eai dieđe maid galget dahkat, de sii sáhttet dárbbašit muhtumiin ráđđádallat.

Makkár fálaldat heive mu bearrašii?

Lea dehálaš earuhit gaskal dieđuid ja obbalaš rávvagiid mánáidbajásgeassima gažaldagaid dáfus, ja doaibmabijuid váhnemiid váste geain leat mánát dihto hástalusaiguin maid háliidit eastadit dahje dikšut. PMTO ja TIBIR leat fálaldagat váhnemiidda geain leat mánát geain leat šaddan dahje leat šaddagoahtime láhttenváttisvuođat.

Jus don váhnemin vásihit ahte don it loavtte áiggi eatni/áhči rollas ja/dahje vásihat ollu hástalusaid du máná ektui, de ávžžuhit mii du galledit min fálaldagain muhtuma humadit geatnegahtekeahttá. Eai buot suohkaniin leat min fálaldagat. Mii ávžžuhit almmatge ahte válddát oktavuođa dearvvašvuođastašuvnnain, PP-fálaldagain, mánáidsuodjalusain dahje sullasaččain.

Mii ávžžuhit du lohkat daid girjjiid jus háliidat lohkat eambbo dan birra maid don sáhtát dahkat du máná hástaleaddji láhttemiin:

• ”Foreldrehjelpen  - Oppdragelse som virker”  čállán leaba Egil Launes ja Knut Halfdan Svendsen.
•  ”De utrolige årene” čállán Carolyn Webster-Stratton.
•  «PMTO Foreldretrening for familier som har barn med atferdsvansker» čállán leaba Elisabeth Askeland, Anett Apeland ja Roar Solholm.