Gean váste lea fálaldat?

TIBIR lea fálaldat bearrašiidda geain leat mánát agis 3–12 jahkái, gos mánás leat šaddan dahje šaddagoahtán láhttenváttisvuođat.

Fálaldat addojuvvo suohkanlaš bálvalusaid bokte, ovdamearkka dihte dearvvašvuođastašuvnnaid, mánáidsuodjalusa ja mánáidgárddiid ja skuvllaid. Dál gávdno TIBIR 115 riikka 357 suohkanis.

Mii fálaldaga mihttomearri lea?

TIBIR mihttomearri lea eastadit ja unnidit láhttenváttisvuođaid árra áigemuttus, ja veahkehit ovddideame mánás positiivvalaš ja buori sosiála láhttema.

Viidáset lea mihttomearri addit fágabargiide oktasaš áddejumi das mo láhttenváttisvuođat čuožžilit, ja mo váttisvuođaid sáhttá eastadit dahje dikšut.

Maid TIBIR sisttisdoallá?

Prográmmas leat oktiibuot guhtta fálaldaga bearrašiidda geain leat mánát agis 3 jagis 12 jahkái geain lea riska oažžut dahje geat leat ožžon láhttenváttisvuođaid: 

• Kárten vai identifisere ahte leat šaddagoahtime dahje leat šaddan láhttenváttisvuođat
• Neavvun váhnemiidda geain leat mánát geain sáhttet šaddat láhttenváttisvuođat 
• PMTO váhnenjoavkkut - PMTO joavkofálaldat váhnemiidda geain leat mánát geain sáhttet šaddat dahje geain leat šaddan láhttenváttisvuođat
• PMTO – dikšunfálaldat váhnemiidda geain leat mánát láhttenváttisvuođaiguin
• Ráđđádallan sidjiide geat mánáidgárddiin ja skuvllain barget mánáiguin geain leat láhttenváttisvuođat
• Sosiála máhtolašvuođahárjehallan vásedin mánnái geas meroštallet leat láhttenváttisvuođaid