Kven er tilbodet for?

Tilbodet blir gjeve til barn i alderen 3 til 12 år som viser teikn til byrjande åtferdsproblem.

Kva er målet med rådgjevinga?

Foreldrerådgjeving tek sikte på å hjelpe familien på eit så tidleg tidspunkt som mogeleg. Gjennom rådgjevingssamtalar og rettleiing kan foreldre få hjelp til å førebyggje byrjande åtferdsproblem og bidra til ei positiv utvikling hos barnet.

Korleis arbeider vi?

• Samtalar kvar veke med ein foreldrerådgjevar
• 3-5 møte per familie
• Begge foreldra bør delta dersom dei bur saman. Eventuelle steforeldre som bur saman med barnet kan alternativt delta
• Døme på tema i rådgjevingssamtalen er:
  • Samarbeid og gode beskjedar
  • Læring av nye ferdigheiter gjennom systematisk bruk av ros og oppmuntring
  • Grensesetjing
  • Tilsyn og oppfølging
  • Problemløysing knytt opp mot daglege utfordringar i familien

• Foreldre får øve på korleis dei kan møte barnet på ein måte som kan snu ei uheldig utvikling