اچھی اور مؤثر ہدایات کے بارے میں اکثر پوچھے جانے والے سوالات

1۔ جب میں اچھی ہدایات دوں تو بچہ میرے کہے پر عمل کیوں نہیں کرتا؟

یہ تدبیر کرشمے نہیں دکھا سکتی لیکن اچھی ہدایات کے سبب یہ امکان بڑھ جاتا ہے کہ بچے بہتر تعاون کریں گے۔ یہ اہم ہے کہ پہلے آپ اپنے ہدایات دینے کے طریقے کی تفصیل نوٹ کر کے اسے جانچیں تاکہ اس معاملے میں آپ کی توقعات ضرورت سے زیادہ نہ بڑھ جائیں کہ بچہ ہر ہدایت کیلئے تعاون کرے گا۔ عادتیں بدلنے میں وقت لگتا ہے۔

2۔ جب بچہ ہدایت پر عمل نہ کرے تو میں کیا کروں – کیا بس ہتھیار ڈال دوں؟

خود اس صورتحال میں موجود رہنے کی کوشش کریں اور بچے کو تعاون کا موقع دیں۔ اگر بچہ پھر بھی بات نہ سنے تو ذرا سا دور ہٹ جائیں تاکہ سکون برقرار رہے۔ اگر آپ کے خیال میں آپ پرسکون رہ سکتے ہیں تو تھوڑی دیر بعد واپس جا کر دوبارہ کوشش کریں ۔

3۔ کیا ہر مرتبہ کوئی ہدایت دیتے ہوۓ ضروری ہے کہ میں بچے کو چھوؤں؟

قریب ہو کر اور چھو کر بات کرنے سے اکثر بچے کی توجہ حاصل کرنے میں فائدہ ہوتا ہے لیکن آپ یہ بھی آزما کر دیکھ سکتے ہیں کہ اگر آپ بچے کو نام سے بلائیں یا کہیں "میری طرف دیکھو" تو کیا پھر بھی وہ اتنے ہی دھیان سے بات سنتا ہے۔

4۔ میرے خیال سے سوال پوچھے بغیر خوشگوار انداز میں ہدایت دینا مشکل ہے

ہدایت دینے کی بجاۓ سوالیا انداز میں بات کرنا خوشگوار لگ سکتا ہے لیکن یاد رکھیں کہ اگر آپ پوچھیں گے تو بچہ انکار کر سکتا ہے۔ نرم آواز میں بات کریں اور ہدایت کے آخر میں ایسے الفاظ کہیں جیسے "پلیز، میرا اچھا بچا یہ کام کرے گا، وغیرہ" تو آپ کی ہدایت خوشگوار بھی ہو جاۓ گی اور آپ کو سوالیا انداز میں بھی ہدایت نہیں دینی پڑے گی۔

5۔ کیا بچوں کو ہمیشہ والدین کا کہنا ماننا چاہیئے؟ آخر بچے روبوٹ تو نہیں ہوتے۔

بچے ہمیشہ ہمارا کہنا نہیں مانتے ۔ ہمیں پتہ ہے کہ جو بچے 10 مرتبہ میں سے 7 مرتبہ کے قریب بڑوں کا کہنا مانتے ہیں، اصل میں وہی بچے ذیادہ تر بہتربھی رہتےہیں۔

تعریف اور حوصلہ افزائی کے بارے میں اکثر پوچھے جانے والے سوالات

6 ۔ کیا اتنی زیادہ تعریف اور انعام سے بچے بگڑ نہیں جاتے؟ بچوں کو تو ویسے ہی تمیز دار نہیں ہوناچاہیئے؟

حوصلہ افزائی کے بغیر بچوں سے اچھے رویّے کی توقع کرنا غیر حقییقی ہے۔

اگر والدین ایک رویّے یا حرکت کو توجہ دیں گے تو بچے کا وہی رویّہ دہرانے کا زیادہ امکان ہو گا۔

اچھے رویّے کے بارے میں کبھی یہ مت سوچیں کہ 'ہاں، یہی تو کرنا چاہیئے' کیونکہ اس طرح یہ رویّہ بڑی جلدی غائب ہو سکتا ہے۔ پسندیدہ رویّے کو مثبت توجہ دی جاۓ تو بچے کو سیکھنے میں زیادہ حوصلاافزای ملتی ہے۔

7۔ ایسا لگتا ہے جیسے میرے بیٹے کو تعریف سے کوئی فرق ہی نہیں پڑتا۔ وہ چکنا گھڑا ہے اور ہر گز اثر نہیں لیتا۔

جو بچے رویّے میں موشکل ہوتے ہیںع ، ان کی حوصلہ افزائی کرنا اکثر مشکل ہوتا ہے لیکن اسی لیے ان بچوں کو دوسرے بچوں کی نسبت حوصلہ افزائی کی زیادہ ضرورت ہوتی ہے۔ یہ بچے اکثر اپنے بارے میں منفی راۓ قائم کر چکے ہوتے ہیں اور اپنے آپ کو کسی طرح بھی کامیاب نہیں سمجھتے۔ اگر کوی ان کی کسی خوبی کا ا اقرار کرے تو ان کیلئے یہ قبول کرنا مشکل ہوتا ہے۔ والدین کو مثبت راۓ دینے کی مشق کی ضرورت ہوتی ہے اور اچھے رویّے کو تلاش کر کے بچےکی حوصلہ افزائی کرنا اور انعام دینا خواہ تعریف پر بچے کا کوئی رّدعمل دکھای دیتا ہو یا نہ۔ کوئی نی چیز سیکھنے کیلئے ذیاداہ حوصلا افزای کی ضرورت ہوتی ہے۔

۔8 مجھے اتنی زیادہ تعریف کرنا انعام دینا اور اتنا مثبت انداز رکھنا غیرحقیقی لگتا ہے۔ مجھے یہ طریقہ بناوٹی اورمطلب نکلوانے والا لگتا ہے۔

شروع میں سب لوگوں کو یہ قدرتی نہیں لگتا۔ ہو سکتا ہے آپ کو یہ انداز اپنانےمیں کچھ وقت لگے۔ چونکہ بچے اپنے ارد گرد کے لوگوں کا رویّہ نقل کرتے ہیں، اس لیے آپ کا بچہ کیسے سیکھتا ہے اور کیا سیکھتا ہے آپ اس کو خود بہت اثرانداز کرتے ہیں۔ اس لیے اپنے رویّے کو ذہن میں رکھیں۔

آپ بچے کے سامنے جو کچھ کہتے اور کرتے ہیں، اس سے بچے کے سوچنے کا انداز اور رویّہ متاثر ہوتا ہے۔ آپ بچے کیلئے رول ماڈل بن جاتےہیں۔ یہ بھی دیکھا گیا ہے کہ جو بچے کافی حد تک منفی رویّا رکھتے ہیں، انہیں بدلنے کیلئے تعریف اور حوصلہ افزائی بہت اہم ہے۔ خاص طور پر شروع میں والدین کو یہ بناوٹی لگتا ہے۔ یہ ذھن میں رکھیں کہ یہ بھی ایک ایسا کام ہے جس کیلئے مشق ضروری ہے۔ حوصلا افزائی کو مخصوص کرنے کی کوشش کریں-اس سے آپ کو یہ بناوٹی کم مہصوص ہوگا۔ آپ صرف یہ کہنے کے کہ اچھی بات، شاباش وغیرہ، آپ یہ کہہ سکتے ہیں، آپ نے جیکٹ اپر لٹکا کربہت اچھا کیا!، میرے پڑاکو بچے نے تو سکول کا کام شروع بھی کر دیا، کتنی اچھی بات ہے کہ آپ دونوں اکٹھے کھیل رہے ہیں،وغیرہ۔

9۔ کیا جب تک وہ بڑھی نہیں ہو جاتی مجھے حوصلہ افزائی کا سلسلہ جاری رکھنا پڑے گا؟

بالعمومن جیسے جیسے بچا صلاحیت سیکھ جاتا ہے تو آہستہ آہستہ حوصلہ افزائی کا سلسلہ کم کیا جا سکتا ہے۔ اس صلاحیت کو برقرار رکھنے کیلئے آپ ویسے ہی کبھی کبھارحوصلہ افزائی کرتے رہیں۔ اگر پھر مسائل کھڑے ہو جائیں تو باقایدہ تور پر حوصلہ افزائی دوبارہ سے شروع کی جا سکتی ہے۔ زیادہ تر بچوں کیلئے کچھ عرصے بعد ہفتہ وار پیسوں کا فارم ہی کافی رہتا ہے۔ البتہ تجربے کی روشنی میں یہ بھی دیکھا گیا ہے کہ کچھ بچوں، خاص طور پر ADHD والے بچوں، کو لگاتار حوصلہ افزائی کے طریقوں کی ضرورت رہتی ہے۔ کچھ بچوں کوجو اس طرح سے نظام بنتا ہے اس سے بہت فائدہ ہوتا ہے۔

10۔مجھے ایک حوصلہ افزائی کے طریکےکو کتنا عرصہ استعمال کرنا ہو گا اور کسی نیے کو کب شروع کیا جا سکتا ہے؟

آپ اس طریکے کو تب تک استعمال میں رکھیں جب تک کہ آپ جو رویّہ سکھا رہے ہیں وہ پختہ نہیں ہو جاتا اورآپ اسے بچے کی مستقل عادت میں شمار نہیں کر لیتے یعنی آپ کو وہ کام کرانے کیلئے یاد دہانی نہ کرانی پڑے اور نہ ہی پیچھے پڑنے کی ضرورت پڑے۔ اس لیے یہ ضروری ہے کہ آپ سخت نظر رکھیں کہ کیا ہو رہا ہے، طریکا جو استعمال کرتے ہیں اس پر دیھان دیں اور درج کرتے رہیں۔

اس طرح یہ جاننا آسان ہو جاۓ گا کہ آپ کب آگے بڑھ سکتے ہیں۔ یہ درحقیقت والدین ہی کا کام ہے کہ فارم کو "زندہ" رکھا جاۓ اورایک مقرر کیے گیے وقت میں فارم کا بغور مطالعہ کیا جاۓ اور اس میں دلچسپی لی جاۓ۔ اگر آپ دیکھتے ہیں کہ اب حوصلہ افزائی کے طریقے میں دلچسپی نہیں رہی تو آپ اس پر غور کریں کہ اس کے نا اثر ہونے کی وجہ کیا ہے۔ شاید انعام کوبدلنے کی ضرورت ہو یا مراحل میں ردّو بدل کی ضرورت ہو تاکہ مراحل مناسب حد تک بڑے ہوں، نہ وہ بہت آسان ہوں نہ بہت مشکل ۔

اصلاح کی خاطر پابندیاں لگانےکے بارے میں سوالات:

11۔ کیا اپنے بچوں کو سزا دینا غلط ہے؟

بچوں میں اعتماد پیدا کرنے کیلئے انہیں حدود اور پابندیوں کی ضرورت ہوتی ہے ؛ اسی سے انہیں اچھے برے کا پتہ چلتا ہے۔ مثبت نتائج یعنی انعام اور شاباش وغیرہ کے ساتھ ساتھ کبھی کبھار منفی نتائج دلانا بھی ضروری ہوتا ہے تاکہ مشکل رویّے کو بڑھنے سے روکا جا سکے۔ چھوٹے نتائج ظاہر کر کے، جن کے بارے میں بچہ پہلے سے اندازہ لگا سکتا ہو، آپ ان صورتحال سے بچ سکتے ہیں جن سے اختلافات شدید ہو سکتے ہوں یا آپس میں تعاون ختم ہو سکتا ہو۔ مثبت نتایج کی درست مکدار اہم ہے :یہ یاد رکھیں )5:1ہر ایک ٹوک کے بدلےمیں 5 تعریفیں(۔

بچوں کو ان کی حرکتوں کے نتائج دینے کا انتقام سے کوئی تعلق نہیں ہے۔ بلکہ یہ اہمیت رکھتا ہے کہ بچے یہ فیصلہ کرنا سیکھتے ہیں کہ وہ اصولوں کی پابندی کرنا چاہتے ہیں یا نہیں۔

12۔ اگر میں کافی غصے میں آ جاؤں تو بچہ ضرور میرا کہنا مان جاتا ہے، پھر جب یہ طریقہ کار کام کر رہا ہے تو میں اسے کیوں تبدیل کروں؟

تبدیلی کی ضرورت اس لیے ہے کہ غصہ دکھا کر بچے کے رویّے میں دور رس مثبت تبدیلیاں نہیں لائی جا سکتیں۔ کئ والدین کو اپنے بچوں پر غصہ کرنا ناگوار لگتا ہے۔ زیادہ تر بچے بڑوں کو غصے میں دیکھ کر ڈر جاتے ہیں۔ بڑوں کا غصہ بڑھ جانے کا بھی ایک خطرہ ہوتا ہے۔ بچوں کیلئے یہ سیکھنا ضروری ہے کہ بڑوں کے غصہ کیے بغیر انہیں کہنا ماننا ہے۔ یہ بچے کے سکول میں اورآگے عملی زندگی کیلئے یہ ایک ضروری تجربہ ہے ۔

pmto.no

اچھی اور مؤثر ہدایات کے بارے میں اکثر پوچھے جانے والے سوالات