جب ہمیں غصہ آتا ہے ۔ جذبات پر قابو کرنا

سب والدین کو ایسی صورت حال کا سامنا کرنا پڑتا ہے جو روز مرہ کی زندگی میں دبائو پیدا کرتی ہیں جس کا اثر آپ کے بچے کے اور آپ کے تعلق پر پڑتا ہے۔ والدین تھکے ہوئے ، دکھی اور ازدواجی مسائل ہو سکتے ہیں ، بیمار ہو سکتے ہیں ، کام کا زیادہ بوجھ یا مالی پریشانی ہو سکتی ہے۔ ان مسائل کا انسانی رویوں پر اثر پڑتا ہے۔ اس کی مثال مایوسی ، ذہنی دبائو ، چڑچڑاہٹ ، ذہنی الجھن ،تکالیف اور غصہ وغیرہ ہیں۔

جب آپ یہ سیکھ جائیں کہ آپ اپنے منفی جذبات پر کیسے قابو پاسکتے ہیں تو آپ کےلئے اپنے بچے کی اپنی خواہش کے مطابق پرورش کرنا آسان ہو جائے گا ۔ جب آپ اس قابل ہو جائیں گے کہ ایک گرما گرمی کے ماحول میں اپنے بچے کے ساتھ پرسکون رہ سکیں، یا مایوسی وغیرہ کی حالت میں بھی بچے کے ساتھ ذہنی طور پر حاضر رہ سکیں، تو آپ اپنے بچے کےلئے ایک اچھے رول ماڈل ہیں ۔

جب ہمارے اوپر ذہنی دبائو پڑتا ہے تو ہماراجسم، احساسات، خیالات منفی طریقے سے متاثر ہوتے ہیں۔ اس طرح کہ منفی ردِ عمل کو روکنے کےلئے کچھ ایسا کرنا مفید ہوتا ہے جس سے ذہنی دبائو کے احساس کو باہر نکالا جاسکے۔ جیسا کہ ٹہلنے کےلئے چلے جا ئیں، یا اپنی من پسند موسیقی سنیں ۔ جب احساسات میں سکون آ جائے تو آپ آسانی سے صورت حال کا جائزہ لے سکتے ہیں اور اپنے ردِ عمل کا منصوبہ بنا سکتے ہیں ۔

جب آپ ذہنی دبائو کا شکار ہوں اور بہتر حالت اختیار کرنا چاہتے ہوں تو اس کےلئے کچھ مشورے:

چہل قدمی کےلئے نکل جائیں یا ورزش کےلئے چلے جائیں
موسیقی سنیں
جسم کو پرسکون کرنے کےلئے مشق کریں
کسی دوست کے ساتھ بات کریں
کچھ گرم پینے کو لیں
اپنی پسند کا عمل کریں

بچوں کے ساتھ چیلنج والے حالات میں والدین کےلئے خود بھی آسانی سے غصے میں آنے امکان بڑھ جاتا ہے۔ جب ہم ایک دوسرے کو آزادی سے اپنے غصے اور جارحیت کا اظہار کرتے ہیں تو والدین اوربچے میں غصہ شدید ہو جاتا ہے۔ اس طرح دوبارہ شدید غصے کے عالم اور مسائل جلد بڑھ جانے کا امکان بڑھ جاتا ہے ۔

ایسے مشکل حالات میں جن میں آپ کو غصہ آجاتا ہے کہ اس کےلئے کچھ مشورے :

گنتی گنیں
ایک گہری اور پرسکون سانس لیں
وہاں سے ہٹ جائیں
کچھ اور سوچیں
ایک ساتھی یا دوست سے سہارا لیں

جب والدین اپنے منفی جذبات پر قابوپالیں گے تو ان کا بچوں کے ساتھ رابطہ مزید مثبت ہو جائے گا، اور اس طرح بچے والدین کے مسائل سے متاثرہونے سے بچ جاتے ہیں۔ اگر آپ یہ محسوس کرتے ہیں کہ آپ اور آپ کا بچہ ایک منفی نہج میں آگئے ہیں تو آپ سے تاکید ہے کہ آپ کوئی پیشہ ور مدد تلاش کریں PMTOمیں آپ اپنے جذبات پر قابو پانے کے مناسب طریقے سیکھیں گے ۔